About Us | MSBMC

Who We Are

Our Story

Get to Know Us

MSBMC was founded in 2016 February 28 by a group of faithful believers who started our church from seven homes and just thirty-two people. We strongly believe in the Trinity of God and that God has made this church for us. Our journey was not easy well, we faced many challenges, but our faith was strong enough to sustain us, and we emerged stronger. At MSBMC, we believe that God's love, mercy, and blessings are for everyone, and we welcome everyone to join us in worship and praise.

Pawlpi Pian KHiat Na

2016 kum February tha 28 ni in, Australia ngam Melbourne khuapi ah Melbourne Siyin Burmese Mission Church ci in Sizaang Kam le Kawl kam taw biak piak na nei thei tu in Topa Pathian dei na taw ki phut hi. Pawlpi ki pat lian in, innkuan 9 ki pha hi ma ka le 2017 kum ciang in, inn 3 in hong tai san kik aa, Pawlpi inn 6 taw 2017 - 2018 sung ki om liliai hi. A hi zong 2018 kum ciang in, inn 2, le single 1, 2019 ciang in inn 2 hong ki be lap in pawlpi bu cing tuam hi. 2024 ciang in, inn 18 pha hi. A hi zong 2025 kum ciang inn 3, pusuak kik aa hi man, inn 15 bek ma pha kik aa, member a mimal in 61 pha hi.

Pawlpi Kal suan zia tom Kim Cing

2016

Kal Suan Na

2016 Kum February the 28 ni in Melbourne om Sizaang Kam Pau le Kawl kam zangh, innkuan pawl khat thu kim in Pawlpi phút tu in ki khen sát aa, Biak inn zong nei zo ngawl lai ka hi u man in, Pa Thian Cin Pau (Thingunau) te inn (77 Benjamín street,Sunshine VIC 3029) ah a ma sa bel biak paik na ki nei hi. Pawlpi phu ni in, Pawlpi sia tu a ki sam, visiting pastor tu in a Nu Ciang Za Hau (Thuklai), a pa Tedim mi a hi Rev Thomas Tun Sian Mung (Zomi Baptist Church Pastor) ki sam aa, tua ni ma in, Pawlpi ki pat ni le neak khawm nei masak bel ni a hihi. Tua ni biak piak na ah a ki samh a hi Guitar khat zong Pa Kam Cin Mung (Theizang) te innkuan in Pawlpi hong pia hi. Pawlpi phu ni in, hong ki khawm theam po KFC taw ki vak aa, sum bo team po zong tua ni pawlpi phut teng inn sim sum ki dong in, ki sik hi.

Tua ni ma in a ma sa bel pawlpi meeting le temporary Pawlpi Upa ki teal na ki nei aa, a nuai a bang a hihi.

Chairman - Pa Mungpi Sung Mang (Theizang)

Vice Chairman - Pa Nang Khat Pau (Lophei)

Secretary - Pa Lamhkim Samte (Suangdaw)

Assistant Secretary - Lia Keo San Kim (Thuklai)

Treasurer - Pa Do Suan Mang Tawn (@Pa Tun No) (Limkhai)

Accountant - Nu Ah Ciang (Pumva)

Member - Pa Cin Za Hau (Limkhai)

Member - Pa Thian Cin Pau (Thingunau)

Member - Pa Ko Thet

Numei pawl zong ki teal na ki nei aa, a nuai aa bang a hihi.

Chairman - Siama Huai Thian Neam (Lophei)

Secretary - Nu Neam Cing Huai (Limkhai)

Treasurer - Nu Pum Cin Neam (Theizang)

Accountant - Nu Thang Khan Nem (Hiangzing)

Member - Nu Ah Ciang

Member - Nu Hung Teuh (Voklaak)

Member - Nu Naw Phaw

Member - Nu Man Za Dim (Thuklai)

Member - Nu Neam Kho Huai (Voklaak)

Sunday School Sia/ Siama tu zong ki teal na ki nei aa, a nuai a teng in volunteer hong seam hi.

Leader - Siama Huai Thian Neam

A Hu - Lia Mang Pome Uap (Thuklai)

A Hu - Nu Hung Teuh

Music makai tu zong ki teal na ki nei aa, a nuai aa bang a hihi.

1. Lia Keo San Kim

2. Pa Ko Thet

3. Pa Khat Pau

4. Pa Lamhkim

5. Pa Mung Pi

Pa Thian Cin Pau te inn ah 3 vei biak piak na ki nei hi. Tua zawk ciang in Pawlpi Upa te le Pa Lamhkim in Biak inn tu ki zong aa, Samaritan Foundation ah ni pi ni, ni taak sang nai 2 pan biak piak thei na tu, Pa Lamhkim in hong nga a hi man, a 4 vei na biak piak na se 20 March 2016 ni in, Samaratan Foundation ( 1/26 Devonshire Road, Sunshine VIC 3029) ah ki nei thei hi. Tua ni hun uk masa bel sia Lia Mang Pome Uap hi in, Hung zangh a hi le Pa Mung Pi a hihi.

Pawlpi ah Kawlngam pan hong pai hun hong zangh masa bel se, Sia Tuang Nang hi in 08 April 2016 (Friday) ni Homecell Pa Mung pi te inn le , 22 April 2016 Pa Hau te inn ah hun hong zangh aa, 24 April 2016 ni in, Sun hun pi ah zong hun hong zangh hi.

31 July 2016 ni in, Kawlgam pan hong pai Sia Pau Lian Mung te Nu pa in Pawlpi ah hun hong zangh thei hi.

7 August 2016 ni in Praise & Worship makai tu in Pa Lamhkim ki koi hi.

2016 kum October tha sung in kawlngam Mawlamyai pan hong pai Saya Chan Thein le Saya Thet Aung Aye te taw ni 3 sung tentan ki nei hi.

Visiting Pastor a hi Rev Thomas Mung se Pawlpi pan Lovegift taw ki zangh phot aa, Ni pi khat hong pai ciang $300, tha khat sung 2 vei hong pai le $600 ci bang in ki pia hi.

Pawlpi sung ah a ma sa bel henép topui na se Nu Pum Neam ii Pianna nu, Nu Cing Khaw Vung hong nu siat hu in 6 December 2016 ni le 7 December 2016 ni, 2 vei pawlpi pan ki topui hi.

2016 December tha pan in Pa Lamhkim vai hawm na taw Derrimut Community Hall ah Biak piak na ki nei thei hi.

2016 kum December tha 16 ni in, a masa bek pawlpi picnic Geelong ah ki pai hi.

MSBMC Pawlpi a tu van a pia teng :

1. Acoustic Guitar 1 - Pa Mung Pi Family

2. Drum Set 1 - Pa Ko Thet + Nu Ah Ciang Family

3. Projector le Screen set 1 - Nu Man No Family

4. Keyboard 1, Bass Sound Box 1 le Hand drum 1 - Pa Lamhkim Family

5. Yamaha Sound Box 1 ($500) - Pa Thian No Family

6. Yamaha Bass Guitar 1 - Pa Tun No Family

7. Keyboard Stand 1 - Pa Lamhkim Family

8. Plastic Box 1 - Pa Lamhkim Family

9. Guitar Stand 2 - Tg Kha Khai

10. Book Stand 1 - Nu Neam Khua Huai

11. Electric Guitar Yamaha 1 le Stand 1 - Pa Deny Family

12. Folder Trolly 2 - Nu Neam Tawng Family

2017

Kal Suan Na

22 January 2017 ni in Pawlpi General Meeting le Pawlpi Upa/U Nu ki teal na ki nei in a nuai aa bang a hihi.

Chairman - Pa Kam Cin Mung (@Mungpi Sung Mang) vote 9

Secretary - Pa Lamhkim Samte (vote 12)

Treasurer - Pa Do Suan Mang Dawn ( Pa Tun No) vote 14

Vice Chairman - Siama Huai Thian Neam (vote 7)

Assistant Secretary - Nu Niang Ciang (vote 8)

Accountant - Lia Keo San Kim (vote 8)

Member - Nu Neam Cing Huai (vote 8)

WF Makai zong ki teal na ki nei aa, a nuai aa bang a hihi.

Chairman - Nu Man Za Dim (vote 9)

Secretary - Nu Pum Neam (vote 7)

Treasurer - Nu Thang Khan Nem (vote 11)

Praise and Worship Leader

Lia Keo San Kim

Music Leader

Pa Lamhkim

Projector + Media + Amp

Tg Pau Sen

Rev Thomas Mung se 2017 pan ki pan ni pi khat ciang $500 pawlpi pan lovegift ki pia hi. Friday ni sim Nupi te makai na taw an tan thu nget ki nei aa, Saturday ni, Siama Thian Kok makai na taw Homcell ki nei hi. Mission sep tu zong ki ngeal aa, vai puak nei tu Pa Mung ki ap hi.

February tha ni pi 2 sung Pa Thian No te innkuan hong ki khawm ngawl in nuak a hi kom, February 17 ni, 2017 ni in Pawlpi Upa te in, a inn ah mai et na ki nei hi. John le Peter Birthday taw ki si a hi man, KFC le Hamburger taw Upa te an hong vak hi.

Pawlpi kum 1 cin T-Shirt ki vawt aa, Lia San in hong vai thak sak hi. A san le a vom nam 2 in ki vawt hi.

2017 February tha ni pi tawp khak bel ni in, Pawlpi kum 1 cin Birthday ki vawt aa, Zomi Baptist Church le Siyin Community te ki sam in, pawlpi Kum 1 cin nuam tak ki vawt thei hi.

2017 kum April tha ni 4 ni in, Nu Ah Ciang te inn ah pawlpi meeting ki nei aa, Nu Neam Tawng te nu ta le Nu Pum Neam te pawlpi viber sung pan a ni tak in kam ki nial na nei hi. Ta sia hu in, meeting man kuan ciang Pa Tun No in, ni dang ciang na ki kam tam nuam u le Pawlpi viber pan ki ci heak un la, no ma dik ki sak ngawl na a om le personal phone taw ki son zaw vun ci a son hu in, Nu Pum Neam lung kim ngawl a hi man, Nu Pum Neam le Pa Mung Pi meeting pan nuak cia uh hi. Ta sia pan ki pan palpi ah hong ki hel lawn ngawl hi.

Pa Mung pi te innkuan hong ki hel nawn ngawl hu in, 22 April 2017 ni in Rev Thomas Mung le pawlpi Upa/U Nu theam po Pa Mung pi te inn ah thu nget sak na nei in ki pai hi.

May tha sung in Sia Thang No taw ni 3 sung Mission na sep zia Bible Training ki nei hi.

Pawlpi Chairman Pa Mung Pi hong ki hel nawn ngawl ciang, pawlpi chairman tu in, vice chairman a hi Siama Thian Kok ki koi to hi. WF secretary a hi Nu Pum Neam zong hong ki hel nawn ngawl a hi man, a ma mun ah Nu Huai Khek ki koi hi. Projector len a hi Pau Sen zong hong ki hel nawn ngawl a hi man, a ma mun ah Ruth Lian Cing ki koi hi. June tha kum lang cin meeting dong Pa Mung te innkuan pawlpi member in ki se lai aa, ta sia zawk hong ki hel nawn ngawl a hi man in pawlpi member khat in ki ciam te nawn ngawl hi.

Pawlpi a tu a ki sam a hi Acoustic Guitar $2000 val man khat June tha 2017 in ki lei hi.

2017 August tha sung in Sia Thang Saan taw ni 3 sung crusade ki nei hi.

Pawlpi ah a ki samh a hi sabuai le tokhum lei tu ki thu kim aa, a hi zong pawlpi mi te in piak khiat na taw ma hong pang hi. Tokhum le Sabuai a pia khai teng:

1. Pa Khai Family - Tokhum 10

2. Nu Man No Family - Tokhum 10

3. Nu Neam Kho Huai - Tokhum 10

4. Pa Thian Cin Pau Family - Sabuai 1

5. Pa Lamhkim Family - Sabuai 1

2017 September tha sang khak sung patang te kawl lai sin na le Sizaang lai sin na ki nei aa, Lia Mang Pome Uap in Patang te lai hong hil sak in, a mun se Pa Thian no te inn ki zangh hi.

Mission makai pi Pa Mung pi hong ki hel nawn ngawl a hi man, mission makai tu in Pa Khai le Nu Pum tavuan ki pia hi.

2017 October tha sung in US pan Dr Mang Bawk, kawlngam pan Rev Thawng Khan Khai le Rev Vum Khat Pau te pawlpi ah hun hong zangh thei hi.

2017 kum November tha ni pi tawp khak bel ni in, pawlpi pan Thanksgiving a masa bel ki vawt thei hi.

2017 kum in pawlpi calendar a ma sa bel ki vawt thei aa, sum pi khon na zong 2 ki lei thua hi.

2017 kum Monyua ah Siama Cing Khawm Dim mission na sep na ah pawlpi pan a masa bel mission ki seam thei hi.

2017 November tha 19 ni in, Siama Thian Kok se Pawlpi ah hun bit sia ii nei ngawl sung Assistant pastor tu in Pa Lamhkim in thu sụn na nei aa, meeting kaa theam po lung kim na taw pawlpi ah Assistant Pastor tu in ki koi hi. 26 November tha 2017 ni in, pawlpi sia pa Rev Thomas Mung thu nget sak na taw, kip sak na ki nei hi.

2017 kum December tha 17 ni in, a 2 vei na pawlpi picnic Frankston ah ki pai hi.

Melbourne Siyin Burmese Mission Church

Tin Jubilee (2016 – 2026)

Pawlpi Pian Khiat na le Pawl Pi Taang Thu

Australia ngam ah Sizaang mi te, 1960 kiim pawl pan in, Kawlngam pan kumpi te vai hawm na taw pil na sin tu in, khat le ni ki pai sak ci hi. Tua zawk 1970, 1980, 1990, kum 10 hal bang veu in, pil na sin tu khat le ni pai va zek, ki theng va zek ci in ki he hi. Tua pil sin na zawk ciang in, 1995 kum kiim pawl in, pawl khat te a tuan in pil na sin tu ma na pai uh aa, a hi zong kawl ngam ah cia kik nawn ngawl in, Australia ngam, Melbourne khuapi ah teen suak thei na tu vai hawm in, tu ni ciang dong ma a teang suak pawl khat zong na om hi. Tua zawk, 2000 kiim pawl ciang in, Thailand pan, Suutpom(Refugee) taw pawl khat ma na theng leleau uh aa, 2006 pan ki pan leleau ciang Malaysia pan, Suutpom(Refugee) taw ma, tu ni ciang dong, Malaysia pan hi ka le Thailand pan hi ka le ki theng va zai hi. Tua hong theng Sizaang mi te sia, Australia ngam bup ah ki the thaang in, khua tatuam tek ah ki teang hi. Western Australia State, Perth Khuapi ah tam ki teang bel aa, tua zawk ciang Victoria State, Melbourne ah a tam kik bel a hihi. 2026 kum dong Melbourne ah a hi le Sizaang mimal 130 bang pha hi. Melbourne khua ah Sizaang mi 100 val bang a om hang Sizang Pawlpi se 2015 kum dong bang, ki pan zo ngawl lai aa, Sizaang innkuan ci taw 2011 khawng pan in ki pan hi. A hi zong, minam khat, pau khat, ngei na khat a nei Sizaang mi te sia, Pawlpi ki cian khat le nop na he na ah ki huai zawk na tu a hi zong, ei ma Sizaang mi Pathian na seam te khat po, Kawlngam pan hi ka le, mun dang pan hi ka le, hong baang in, hun hong zangh thei aa, inn teak hong sep thei na tu ci le, ei ma kam, ei ma lai le ei ma, mama thuzeak in, pawlpi khat nei tu ci, Melbourne khua theng Sizaang mi a tam zaw in ki tha ngai mama hi. 2016 masia se, Sizang mi te pawl khat Kawlkam zak na pawlpi ah ki hel in, pawlkhat te Tedim kam zak na pawlpi ah ki hel ci bang in ki the thaang in ki om tek hi. Tua kawmkaal ah Topa Pathian ii lam hong hon sak na taw Sizaang innkuan homecell, tha khat in khat vei ki nei thei aa, a hi zong hi homecell se ci taak ki sa nawn ngawl le suak ta tak in biak piak na ki nei thei ngawl, biak inn pha tatak zong ki zangh thei ngawl a hi hu in, 2016 January tha ni pi masa pan ki pan, nipi ni, zing sang sim thunget khop na nei tu ki thu kim hi. A hi zong biak na kin vaval teng bek ma ki hel lel thong hi. Tua bek dom ngawl suak ta tatak in, biak piak ki pia thei ngawl a hi man, ki hawm thaw aa, a ki cian va set pawlpi khat nei zawk tu thu ki ngen pai hi. A hi zong Sizaang mi pawl khat te hong ki hel zo ngawl a hi kom, a ki cian tak le a bu cing tak in, vai ki hawm thei ngawl, vai ki hawm ngam ngawl hi. Tua kawmkaal sung pan, pawlpi khat ki pat tu ciang, Tuu cing (Pastor) tu ma hong ki samh bek dom ngawl, Australia ngam ah kumpi taw ki zop na tatuam hong ki samh a hi man in, thu le la hi ka le, a he le Pathian na seam tu khat hong ki samh laleau thong hi. Ta sia a hi man, pawlpi ki pat tu sia, hong hak sa peu ma hi. Hi ma ka le Topa Pathian ton pui na le thukim pui na taw, Pawlpi ah nop na da na le, neak khawm pia thei tu in Part Time Pastor hong hu thei tu, Thuklai khua mi Nu Ciang Za Hau ii tapa Rev Thomas Tun Sian Mung sia, Zomi Baptist Church ah Pastor seam in na om ci thu ki za aa, a ma sia, a nu Sizaang mi ci a ki heak ciang in, a ma in hong hu zo tu, hong hu thei tu hi ci ki lam en aa, a ma taw a ki mu tu in, Sizaang pawlpi ki pat tu a uk pawl khat, Zomi Baptist Church pawlpi upa te le, Rev Thomas Mung taw ki mu tu in February tha 14, 2016, ni in, Pa Lamhkim, Pa Mung pi, Pa Tun No, Lia San, Nu Pum Neam teng ki pai aa, ki mu khop na ki nei hi. Tua ki mu khop na pan in, ZBC pawlpi Upa te le Syapa Thomas Mung in, thakhat in khat vei Sizaang pawlpi ah hun hong pia zo tu, nop na da na ah hong van zo tu, neak khawm hong pia thei tu, ci thu kim na, khen sat na le awi na hong nei uh aa, a hi zong kip sak na (confirmation) na sia, ni pi khat sung hong ngak ta vun a ci bang ma, ni pi khat sung kingak in, 26 February 2016 ni in, kip sak na (confirmation) hong nei thei uh hi. Tua a hi man tua ni ma in, pawlpi ki pat tu a uk teng Pa Lamhkim inn (Sunshine) ah meeting ki nei pai aa, Pawlpi ki pat tu a ni ki ciang tan pai hi. Tua meeting pan in vek pi thu kim na taw hong pai tu ni pi ni February tha 28, 2016 (Sunday) ni Pawlpi phu tu in ki khen sat pai hi. Tua bek dom ngawl Melbourne om Sizaang mi theam po phone taw ki pau pui pai aa, Sizaang pawlpi ki pat tu vai ki zasak siat hi. 2016 kum February tha 28 ni in, biak inn zong ki nei zo ngawl lai a hi man a mun tu in, Pa Thian Cin Pau (Thingunau) te inn, Sunshine veang ah biak piak na nei tu in ki kip sak aa, tua ni ma in, Rev Thomas Mung in Pawlpi kip sak na le a ma sa bel neak khawm piak na a masa bel hong nei thei pai hi. A hi zong Pawlpi ki pat tu a uk inn 9 bek ma hong ki hel in, Sizang inn kuan a dang te hong ki hel ngawl hi. Biak piak na tu Guitar zong ki nei ngawl lai hi ma ka le Pa Mung Pi (Theizang) te inn kuan in, tua ni ma in, Pawlpi a tu Guitar thak set khat hong pia pai hi. Pawlpi ki pat ni in, Pawlpi meeting a masa bel ki nei pai aa, kum khat sung kal suan na tu ah, pawlpi makai tu in ki teal na zong ki nei pai hi. Tua ki teal na sung ah,

Chairman - Pa Mung Pi Sung Mang (Theizang)
Vice Chairman - Pa Nang Khat Pau ( Lophei)
Secretary - Pa Lamhkim Samte (Suangdaw)
Assist-Secretary - Lia Keo San Kim (Thuklai)
Treasurer - Pa Ngo Tun Cin Thang @ Pa Tun No (Limkhai)
Accountant - Nu Niang Ciang (Pumva)
Member - Pa Thian Cin Pau (Thingunau)
Member - Pa Cin Za Hau (Limkhai)
Member- Sa Thet Naing Oo (h/o Nu Niang Ciang)

Tua ni ma in, Numei ki pawl na zong ki teal na ki nei aa, a makai teng a nuai aa bang a hihi.

Chairwoman - Syama Huai Thian Neam (Thingunau)
Secretary - Nu Neam Cing Huai (Limkhai)
Treasurer - Nu Pum Neam (Theizang)
Accountant - Nu Thang Khat Neam (Hiangzing)
Member - Nu Maan Za Dim (Thuklai)
Member -Nu Neam Kho Huai (Voklaak)

ci bang teng ki teal phot hi.

Sunday School zong, Syama tu ki se na ki nei aa,

Syaman Huai Thian Neam (Thingunau)
Syama Mang Pome Uap (Thuklai) te in volunteer tu in ki pia khia hi.

Pawlpi ki pat zawk tha 3 zawk ciang in pawlpi member form vawt tu le pawlpi bylaw vawt tu in kithu kim aa, pawlpi member zong a uk po ki hel thei tu in, ki pia hi. Tua sung ah member form hong fill up masa bel teng in,

1.Tg Dim Lam Khai (Single) (Thuklai)

2.Nu Niang Ciang te innkuan mimal 4 (Pumva)

3.Nu Neam Kho Huai (Single)(Voklaak)

4.Nu Maan Za Dim te innkuan Mimal 3 (Thuklai)

5.Pa Thian Cin Pau te innkuanmimal 5(Thingunau)

6.Pa Ngo Tun Cin Thang te innkuan mimal 4 (Limkhai)

7.Pa Lamhkim Samte innkuan mimal 5 (Suangdaw)

8.Pa Cin Za Hau te innkuan mimal 4 (Limkhai)

9.Pa Mung Pi Sung Mang te innkuan mimal 5 (Theizaang)

Pawlpi ki pat lian in, member hong tum innkuan 9 le mimal 32 ki pha hi.

Pawlpi Kalsuan Zia A Tom

Melbourne Siyin Burmese Mission Church ci in min vaw tu hong ki pat na in, Sizaang mi tatak innkuan pawl khat hong ki hel ngawl tak ciang, Sizaang mi sung pan, “Mo le Maak” pawl khat minam dang 3 le 4 hong om a hi man, a ma te zong a tel tu le a ki hel thei tu ci in, Kawlkam zong zak hong kul kik a hi man, a huam kim cing tu ci in, Burmese ci ki be lap tu ki thu kim aa, pawlpi se Mission a bulphu le Mission a mung tup hi tu hi ci na taw Mission zong be lap tu ki thu kim hi. Biak piak na sung ah zong, Kam nam cin ki zangh tu ci ki thu kim aa, Kawl kam, Sizaang kam, Tedim kam le Mang kam ci bang in ki zangh siat tu ci, bylaw zong ki at pai hi. Pawlpi thubul phu Laithiangtho tu in, tua lai tak Pawlpi Chairman pa a hi, Pa Mung Pi ii, hong thusunna taw ki zui in, “Zechariah 4:6” hoi ki sa aa, ki kip sak pai hi. Pawlpi ki zop na tu zong Pentecostal taw ki zom tu maw? Baptist taw ki zom tu? ci ki ngai sun aa, pawlpi ah Sya hong seam tu Rev Thomas Mung sia, Baptist Union licence a hi na taw ki zui in, na sep na a ol zaw tu in, Baptist Union taw ki zop tu hoi ki sa aa, ki kip sak pai hi. Pawlpi ki pat ciang BUV in Faith Community church ci in hong ciam te aa, 2018 kum ciang a hi le Constituent member in hong ciam te hi.

A hi zong Pawlpi kiphu zawk kum 1 zawk ciang, pawlpi mi innkuankhat le single 1 bang na, pawlpi hong tai san kik thong hi. A hi zong Topa Pathian na hong nusia tuan ngawl in, 2017 kum ciang Pa Kim Cin Khai (Lophei) le a zi Nu Pum Cin Neam te pawlpi taw khut ki len tu in, hong ki ap hi. 2018 kum ki pat lelau ciang in, Nu No No te nu ta mimal 3, pawlpi taw khut ki len tu in, hong ki ap le leau hi. 2017 kum ciang Nu Neam Kho Huai zong pawlpi ah hong ki hel zo nawn ngawl hi. 2018 June tha ciang in Malaysia pan hong theng, Lia Dim Thian Cing (Buanman) zong pawlpi taw khut ki lentu in hong ki ap lelau aa, pawlpi mi Topa na hong be lap kik hi. 2019 kum ciang in, Pa Kim Za Nang (Buanman) te innkuan mi 4, Malaysia pan hong theng leleau aa, M pawlpi taw khut ki len tu in hong ki ap leleau hi. 2019 kum ma in Nu Ngiak Khan Dim (Limkhai) te nu ta mi 2 Malaysia pan hong theng aa, pawlpi taw khut ki len tu in hong ki ap lelau hi. 2020 kum bo dong, Melbourne Siyin Burmese Mission Church Pawlpi ah inn kuan (10) le a mimal Member hong lut 38 pha hi. 2021 ki pat ciang Pa David Brown te innkuan mimal (4) pawlpi taw khut ki len tu in hong ki ap hi. 2022 June tha ciang, Pa Cin Thawn Pau (Pa Suan Mung) te nupa pawlpi ah hong tum hi. 2022 October tha ciang in Kawlgam pan hong theng Nu Khai Khan Cing (@Zam Cing) le Rev Thomas Tun Sian Mung pawlpi ah hong ki ap hi. 2023 January tha ciang in, Pa Kam Mun Mang te innkuan mimal (4), Pa Mung pi mimal (5) le a pa, Pa Sung Mang le Pa Josep Hau Cin Thang te innkuan mimal (3) pawlpi ah hong tum hi. 2024 May tha ciang kawlngam pan sang kaa hong pai Saya Bamin te nupa mimal (2) pawlpi ah hong tum hi. 2024 Jan 28 ni ciang Ma Ti Ti zong pawlpi ah hong tum hi. 2025 February tha ciang Ma Nwe Nwe le Ma Lu Lu Sumlut te zong pawlpi ah hong ki ap hi. 2025 April tha ciang Malaysia pan hong theng, Saw Thiha Thu te nupa mimal (2), pawlpi ah hong tum hi.

Pawlpi phu zawk kum 10 sung pan mun len a seam ngei teng le a pan munte a nuai aa bang a hihi.

•Rev Thomas Tun Sian Mung (2016 - 2022) - Visiting Pastor + Church Pastor

(2023 - Current) - Senior Pastor

•Ps Huai Thian Neam (2017) - Vice Chairwoman / Chairwoman

(2018 - 2024) - Assistant Pastor

•Pa Mung Pi Sung Mang (2016) - (2025 - 2026) - Chairman

•Pa Kim Cin Khai (2018 - 2020) - Chairman

(2021 - 2022) - Assistant Secretary

•Pa Lamhkim Samte (2016 - 2020) - Secretary

(2021 - 2024) - Chairman

•Pa Ngo Tun Cin Thang (Tun No) (2016 - 2020) - Treasurer

(2021 - 2024) - Secretary

(2025 - 2026) - Treasurer

•Lia Keo San Kim (2016 - 2018) - Assist - Secretary

(2019 - 2020) - Accountant

(2021 - 2022) - Audit

(2025 - 2026) - Accountant

•Pa Nang Khat Pau (2016) - Vice Chairman

•Pa Cin Za Hau (2016 -2017) - Member

(2018 - 2020) - Vice Chairman

•Nu Niang Ciang (2016 - 2018) - Accountant

(2019 - 2020) - Assistant Secretary

(2021 - 2024) - Accountant

(2025 - 2026) - Assistant Treasurer

•Sa Thet Naing Oo (2016) - Member

(2021 - 2022) - Vice Chairman

(2025 - 2026) - Member

•Pa Thian Cin Pau (2016) - Member

(2023 - 2024) - Assistant Secretary

•Pa Lian Pum Pau (2020 - 2024) - Treasurer

(2025 - 2026) - Secretary

•Pa Suan Mung (2023 - 2024) - Vice Chairman

•Nu Cing Thuamlam (Niang Niang) (2023 - 2026) - Audit

•Pa Kam Mun Mang (2023 - 2024) - Member

(2025 - 2026) - Vice Chairman

•Pa Josep Thang (2023 - 2024) - Member

(2025 - 2026) - Assistant Secretary

Pawlpi ki pat pan ki pan Mission na sep na ah makai a seam ngei teng:

2018 - 2022 - Pa Kim Cin Khai
2023 - 2024 - Pa Thian Cin Pau
2025 - 2026 - Pa Josep Thang

Pawlpi sung ah WF makai pi a seam ngei teng:

2016 - Nu Huai Thian Neam

2017 - 2020 - Nu Maan Za Dim

2021 - 2023 - Nu Neam Khan Huai

2023 - 2024 - Nu Ngiak Khan Dim

2025 - 2026 - Nu Neam Mang

Youth Leader Seam ngei teng:

2023 - 2024 - Lia Keo San Kim

2025 - 2026 - Lia Dim Thian Cing

Building ah makai a seam ngei teng:

Pa Kim Cin Khai (2018 - 2021)
Pa Ko Thet (2021 - 2022)
Pa Suan Mung (2023 - 2024)
Pa Kam Mun Mang (2025- 2026)

Sunday School Syama seam ngei teng:

Syama Huai Thian Neam (2016 - 2018)
Syama Mang Pome Uap (2016 - 2018) (2024 - Current)
Syama No No (2018 - 2024)
Syama Dim Suan (2024 - Current)

Pawlpi Sya vai:

Pawlpi ki pat lian in, full time sya ki nei ngawl hi ma ka le, Zomi Baptist Church le Agape Church te ii awi na le, Rev Thomas Mung hong ki piak khiat na taw ki zui 2016 pan 2022 dong visiting pastor/church pastor ci taw ki kal suan hi. 2022 kum October tha ciang Rev Thomas Mung pawlpi ah fulltime member hong lut a hi man, 2023 kum pan ki pan Senior Pastor in pawlpi in, ki kip sak hi. 2024 kum ciang Baptist Union te ii regulation stipend taw ki zui in, part time stipend taw a kikim le kumpi thu khun taw ki zui benefits nga tu theam po, pawlpi in tha sum ki pia hi. Pawlpi ki pat pan ki pan fulltime sya or, Senior pastor tatak tu a ki nei ngawl hu in 2018 kum ciang Sayama Huai Thiam Neam Pawlpi ah Assistant Pastsor tu in pawlpi in ki khan to aa, 2019 ciang Baptist Union pan in ap na hong nei sak hi.

Biak inn zak na:

Pawlpi ki pat kum 2016 June tha dong Pa Thian Cin Pau te inn Sunshine ah biak piak na ki nei aa, 2016 July tha pan November tha dong Samaritan Foundation (Sunshine) ah biak piak na ki nei hi. 2016 December tha pan ki pan 2018 March tha dong Derrimut YMCA community hall ah biak piak na ki nei hi. 2018 April tha sung biak inn tu ki mu pak ngawl a hi man, Pa Thian Cin Pau te inn, (Albanvale) ah biak piak na ki nei hi. 2018 May tha pan ki pan, St Alban Primary school cinema hall ah biak piak na ki nei hi. 2019 August tha pan ki pan Pa Lamhkim le Sia Thomas Mung han ciam na taw, tu lai tak ii zak a hi Essendon Baptist Church ah tu ni ciang dong biak piak na nuam tak ki nei hi.

Tui ki phuum na:

2018 kum in Pawlpi ah a masa bel tui ki phum na ki nei aa, Pa Saw Brown le Pa Ko Thet te Pawlpi Sya taang in Saya Thang San in tui phum na hong nei sak hi. 2023 kum ciang in khang no a tam zaw in ngup khiat na hong ki tel hu in, mimal (11) a 2 vei na, tui ki phum na ki nei hi. 2024 kum ciang in thu um ngawl pan in Zeisu ngum pa le hon pa a sang, Daw Nwe Nwe tui ki phum hi. 2025 kum ciang in thu um ngawl pan ma Zeisu ngum pa le hon pa a sang, Saw Thiha Thu tui ki phum na, pawlpi phu zawk kum 10 sung, tui ki phum na, a 4 vei na ki nei thei hi. Pawlpi phu zawk tui ki phum mimal (15) pha hi.

Mission na sep na:

2018 kum pan ki pan kawlngam ah mission na sep pawlpi min taw ki pan aa, Monywa ah mun khat, Yangon ah mun khat ki nei hi. Khamtung ngam ah zong Sia minthang te ki sam in Crusade zong tam vei ma ki vawt hi. Covid hang in hak sat na thuak te, Malaysia ah haksat na thuak te zong ki hu hi. Kawlngam pan biak inn sak na tu hu na hong ki ngen te le ngal le sa hang in hak sat na thuak te zong ki hu hi. WF te makai na taw khua sang ah a en tu om ngawl Pu huai, pi huai te zong ki hu hi. 2023 - 2024 sung in Maymyo le Pago ah mission ki seam hi. 2025 pan ki pan kawlngam ah mission field 2 (SRBA le YSBC) te taw ki seam khawm aa, Malaysia ah patang te hu na mission khat ki nei hi. 2019 kum September tha in Rev Zaw Min te nupa ki sam in, Camp ki nei hi. 2023 le 2024 kum in Saya Rupert Thaung le Rev Lam Cin Thang ki sam in Spiritual conference le True Discipleship conference 2 vei ki nei hi.

Laisin na le Music sin na:

2017 kum August tha pan ki pan Sizaang lai le kawl lai sin na ki nei aa, Syama Mang Pome Uap le Syama Huai Thiam Neam te in lai hong hil sak hi. A hi zong Sizaang Community te na Sizaang lai sin hong ki pan a hi man, sang patang tu zong hong om nawn ngawl ta na, 2018 kum bo ciang Laisin ki tawl nga kik hi. Music sin zong Pa Lamhkim le Tg Pau Khat te in, Pa Khai te inn (Sunshine North) le Pa Thian Cin Pau te inn (Albanvale) ah, nipi ni zing sim Guitar hil na hong nei sak hi. 2024 kum sung Saya Bamin na, patang te Keyboard hil na zong hong nei sak aa, patang te music sang ah, hong khang to mama hi.

Pawlpi kum 10 cin, Tin Jubilee hun lian in, pawlpi mi pha za a nuai aa bang a hihi.

Kum 80 tung sia = ( 1 )
Kum 70 - 80 = ( 3 )
Kum 60 - 70 = ( 6 )

A mimal in,

Pasal - 21
Numei - 26
Kum 18 nuai sia patang - 16

Mimal vekpi ngawm - 63

Innkuan - 16

Pawlpi member kum 10 a cing innkuan teng:

Nu Man Za Dim Family
Pa Cin Za Hau Family
Pa Do Suan Mang Tawn (Tun No) Family
Pa Lamhkim Samte Family
Pa Ko Thet Family

Pawlpi member kum 5 le a tung sia, innkuan teng:

Pa Thian Cin Pau Family
Pa Kim Cin Khai + Nu Pum Cin Neam
Nu No No Family
Pa Kim Za Nang Family
Pa Lian Pum Pau Family
Nu Ngiak Khan Dim Family
Lia Dim Thian Cing
Pa Saw Brown Family

Pawlpi Pastor sep kum 10 a cing teng:

Rev Thomas Tun Sian Mung

Pawlpi Pastor sep kum 5 le a tung sia, a cing teng:

Pastor Huai Thian Neam

Pawlpi ki pat zawk pan kum 10 sung, mun dang pan hi ka le tual sung pan hi ka le pawlpi ah hun hong zangh Sya 100 vaal pha zo aa, kum 5 sung Sizaang mi bebek zong Sya 22 bang in Pawlpi ah hun hong zangh thei hi. Tua te in:

1. Rev Dr Lam Cin Thang (Yangon/ Perth)

2. Rev Dr Cin Za Mang (USA, Maryland SBMC)

3. Rev Vum Khat Pau (YSBC, Yangon)

4. Rev Thawng Khan Khai (TBC, Tahan)

5. Rev Langh Go Laang (GS, SRBA)

6. Rev Cin Do Thawng (USA, Maryland SBMC)

7. Sya Thang Kim (Hillsong)[6 vei]

8. Sya En Za Pum (PSBC, Perth)

9. Sya Thang Hen Pau (Lophei)

10. Syama Cing Khawm Dim (WF, SRBA)

11. Syama Cing Lun Neam (PBC, Pumva)

12. Rev Tuang Nang (Yangon)[2 vei]

13. Syama Zam Khan Dim (Melbourne)

14. Sya Kelly Lian (SDA, Khuasak)

15. Syama Niang Lam Vung @Lam No (SDA,Voklaak)2 vei

16. Syama Cing San Huai (Dolluang, Yangon)

17. Upa Thang Do Dal (Chairman, PSBC)

18. Rev Pau Do Cing (Thingunau, AG)

19. Rev Kam Man (Rhema, AG)

20. Rev Joseph Dal (Theizang)

21. Sia Ngo Langh Thang (Rhema, AG)

22. Sia Hau Dal (Lim Khai)

23. Rev Dr Thang Za Kap (USA)

24. Sia Hen Khup (FGA Perth)

25. Sia Eter Ngin Khan Cin (FGA Perth)

Pawlpi sung inn nei sa teng (2024)

Rev Thomas Mung (Croydon)
Pa Lamhkim (Tarneit)
Pa Do Suan (Melton West)
Pa Mungpi (Tarneit)
Pa Joseph Meng Thang (Deerpark)
Pa Kam Mun Mang (Tarneit)
Nu Man Za Dim (Albanvale)
Pa Saw Brown (Albion)
Pa Ko Thet (Sunshine West)
Pa Lian Pum Pau (Tarneit)
Tg Pau Sen (Wyndham Vale)
Pa Kim Za Nang /Tg Pau Khat (Tarneit)
Pa Cin Za Hau (Braybrook)
Nu Dim No (Braybrook)
Nu No No (Nei Ngawl Lai)
Daw Nwe Nwe (Tarneit)
Saw Thiha Thu
Saya Ba Min (Non Active Member)

Welcome to

Motto: Zechariah 4 : 6